ក្រសួងសុខាភិបាលបានក្រើនរំលឹកពីការបង្ការករណីពុលស្រា
អត្ថបទដោយ អ៊ុត រស្មី
ភ្នំពេញ៖នៅថ្ងៃទី ០៧ ខែធ្នូ
ឆ្នាំ ២០១៦នេះមានករណីសង្ស័យពុលស្រា ដែលបានកើតឡើងនៅខេត្តកំពង់ឆ្នាំង។ករណីនេះបានបណ្ដាលឲ្យមនុស្សចំនួន៦២នាក់បានពុលក្នុងចំណោមនោះមាន១៣នាក់បានស្លាប់ដែលបានកើតឡើងនៅឃុំក្តុលសែនជ័យ
ស្រុកទឹកផុស ខេត្តកំពង់ឆ្នាំង ដោយសារពួកគាត់បានពិសារស្រាស ឬស្រាថ្នាំ។
ករណីពុលស្រានេះ
គឺបង្កឡើងដោយសារជាតិមេតាណុលដែលមាននៅក្នុងស្រាលើសពីកម្រិតធម្មតា(០.១៥%)
ដែលមានកើតឡើងនៅច្រើនកន្លែងនៅទូទាំងពិភពលោក ដោយសារស្រាដែលផលិត ឬបិត
នៅតាមសហគមន៍មិនបានត្រឹមត្រូវតាមក្បួន ខ្នាតបច្ចេកទេស។ ការពុលស្រា
បណ្ដាលឲ្យ ស្រវាំង ឬងឹងតភ្នែក សន្លប់ ប្រកាច់ ពិបាកដកដង្ហើម
និងអាចវិវត្តទៅស្លាប់បាន។
យោលតាមគេហទំព័ររបស់នាយកដ្ឋានប្រយុទ្ធនឹងជំងឺឆ្លង
ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល
បានប្រកាសធ្វើការក្រើនរំលឹក ជូនដល់ប្រជាជនទាំងអស់
ឲ្យមានការប្រុងប្រយ័តការពិសារស្រាដែលបានផលិត ដោយមិនមាន
លក្ខណះបច្ចេកទេសត្រឹមត្រូវ
និងសូមចូលរួមអនុវត្តនូវវិធានការប្រុងប្រយ័ត្ន
រូមទាំងការការពារផ្ទាល់ខ្លួន និងក្រុមគ្រួសាររបស់ខ្លូនដើម្បីជៀសផុតពីករណីពុលស្រានេះ។
ជាមួយគ្នានេះដែល លោកឯកឧត្តមវេជ្ជបណ្ឌិត
ក៏បានមានប្រសាសន៍ថា “ ហេតុការណ៍កើតឡើងដោយសង្ស័យថាពុលស្រា
ដែលបានមកសម្រាកព្យាបាលនៅ មូលដ្ឋានសុខានភិបាលសាធារណះ និងមានករណីស្លាប់ក្រោយកើតហេតុ
បានកើតឡើងដោយសារ ពួកគាត់បានពិសារស្រាស ឬស្រាថ្នាំ
ដែលមានសារជាតិមេតាណុលខ្ពស់ បញ្ជាក់តាមលទ្ធផលបានមក ពីមន្ទីរពិសោធន៍
នាពេលកន្លងមកលើករណីពុលស្រាស ឬស្រាថ្នាំពីពេលមុនៗ”។
គួរបញ្ជាក់ដែរថាហេតុការណ៍សង្ស័យពិលស្រាដែលបានកើតឡើងនៅឃុំក្តុលសែនជ័យ
ស្រុកទឹកផុស ខេត្តកំពង់ឆ្នាំង នោះមន្ទីរសិខាភិបាល ខេត្តកំពង់ឆ្នាំង
រួមជាមួយក្រសួងសុខាភិបាល បានចាត់វិធានការណ៍ជាបន្ត
បន្ទាប់នៅគ្រប់ទីតាំងនៃកើតហេតុការណ៍ដែលបានកើតឡើង និងធ្វើការតាមដានដោយយកចិត្តទុកដាក់។
Comments
Post a Comment