បងប្អូនអ្នកលក់ដូរត្រូវប្រឈមមុខការដាច់បាយនៅថ្ងៃធម្មតា

លោកយាយកំពុងអង្គុយលក់ផ្កាឈូក

អត្ថបទដោយ​ សែម វណ្ណា

ភ្នំពេញ:  ប្រជាពលរដ្ឋកម្ពុជាដែលជាអ្នកប្រកបរបរលក់ដូរនៅមុខព្រះបរមររាជ្យវាំងភាគច្រើនជាក្មេងក្រីក្រនិងជាមនុស្សចាស់ៗជាច្រើននាក់។ ក្មេងៗទាំងអស់នោះភាគច្រើនជាក្មេងកំព្រានិងជាក្មេងដែលមានជីភាពក្រីក្រ។

ប្រាក់ចំណូលដែលពួកគេរកបានច្រើននោះគឺនៅថ្ងៃចុងសប្ដាហ៏ ក៏ប៉ុន្តែសម្រាប់ថ្ងៃច័ន្ទដល់សុក្រវិញគេពុំសូវលក់ដាច់នោះទេ។ គួបញ្ជាក់ផងដែរថា ប្រាក់ចំណូលដែលបានច្រើនបំផុតនោះភាគច្រើនទទួលបានត្រឹមតែ៤០ ០០០រៀលតែប៉ុណ្ណោះ។

“ ថ្ងៃសីលមានមនុស្សមកច្រើនគ្រាន់បើដែរហើយបានចំណូល៣០ ០០០រៀលដែរ។ តែបើថ្ងៃធម្មតាវិញបានត្រឹមតែ១០ ០០០រៀលតែប៉ុណ្ណោះ”​ នេះបើតាមសម្ដីរបស់លោកយាយដែលជាអ្នកលោកនៅទីនោះ។លោកយាយបានបន្តទៀតថា​ “សម្រាប់ថ្ងៃធម្មតាលក់ផ្កាអស់ត្រឹមតែ១៥ដុំទេ ហើយចំណេញបានត្រឹមតែ៣​ ០០០រៀលទៅ ៥ ០០០រៀលតែប៉ុណ្ណោះ”។

ចំណែកប្អូនប្រុសម្នាក់ឈ្មោះ ចន មានអាយុ១១ឆ្នាំដែលជាក្មេងលក់គ្រាប់សណ្ដែកបាយ និងគ្រាប់ពោតនៅមុខព្រះបរមរាជ្យវាំងបានឲ្យដឹងថា​ “ថ្ងៃនេះខ្ញុំលក់មិនដាច់ឡើយតាំងពីព្រឹកមក ហើយប៉ារបស់ខ្ញុំលក់បាន២ ០០០រៀល គាត់យកទៅផឹកកាហ្វេបាត់”។

ប្អូនប្រុស ចន​ មិនបានចូលរៀនឡើយដោយសារតែបញ្ហាជីភាពគ្រួសាររបស់ប្អូន​ ហើយប្អូនប្រុសចន លក់ចំណីសត្វនៅមុខវាំងតាំងពីក្មេងមក។​

ប្អូនប្រុសចនកំពុងលក់ចំណីនៅសួនច្បាមុខព្រះបរមរាជ្យវាំង