កម្មវិធីប្រកួតប្រជែង​ និងពិព័រណ៏រូបថត​ ចាប់ផ្តើមនៅថ្ងៃទី០៩ ដល់ថ្ងៃទី១១ ខែឆ្នូ ឆ្នាំ២០១៦

អត្ថបទដោយ: សៅ សុខអេង

(ភ្នំពេញ) : កម្ម​​វិធី​ប្រ​កួ​តប្រជែង​ និងពិព័រណ៏រូបថត​ ក្រោមប្រធានបទ “សម្រស់ធម្មជាតិ និងបរិស្ថាន” រៀបចំឡើងដោយក្រសួងបរិស្ថាន និងសហការជាមួយគ្រឹះស្ថានមីក្រូហិរញ្ញវត្ថុ ព្រីនស៏ហ្វាយនែន ភីអិលស៊ី ដែលចាប់ផ្តើមបើកតាំងពិព័រណ៏រយ:ពេល ៣ថ្ងៃ ដែលចាប់ពីថ្ងៃទី០៩ ដល់ថ្ងៃទី១១ ខែឆ្នូ ឆ្នាំ២០១៦ នៅបរិវេណសួនច្បារវត្តបទុមវតី(ច្រកចូលខាងមុខ)។

មានការចូលរួមដោយលោក អ៊ាង សុផល្លែត អនុរដ្ឋលេខាធិការក្រសួងបរិស្ថាន ដោយប្រកាសបើកពិព័រណ៏រូបថត និងមានកិច្ចស្វាគមន៏របស់លោក ហ៊ន់ សុរចនា​ ប្រធាននាយកប្រតិបត្តិ គ្រឹះស្ថានមីក្រូហិរញ្ញវត្ថុ ព្រីនស៏ ហ្វាយនែន​​ ភីអិលស៊ី និងមានបេក្ខជនថតរូបជាច្រើននាក់។

កម្មវិធីនេះបានផ្សព្វផ្សាយដល់សាធារណជនស្វែងយល់ពីការចូលរួមថែរក្សា និងស្រលាញ់បរិស្ថានដែលនៅជុំវិញខ្លួន និងប្រកាសដល់សាធារណជនចូលរួមទស្សនាការតាំងពិព័រណ៏ ហើយផ្តល់រង្វាន់ជាម៉ាស៊ីនថតរូប និងផ្តល់វិញ្ញាបនបត្រពីក្រសួងបរិស្ថាន និងរង្វាន់ផ្សេងៗទៀតដល់អ្នកថតរូបបរិស្ថានស្អាតដែលមានស្នាដៃឆ្នើម  ។