ការតាំងពិពរណ៏សៀវភៅលើកទី៥ ធ្វើឡើងនៅបណ្ណាល័យជាតិ
អត្ថបទដោយ សែម វណ្ណា
ភ្នំពេញ: ការតាំងពិព័រណ៏សៀវភៅលើកទី៥ត្រូវបានធ្វើឡើងនៅក្នុងបរិវេន្តបណ្ណាល័យជាតិក្រោមប្រធានបទ បង្កើនការអាន បង្កើនការសរសេរ( Instill
reading Inspire Writing ) ក្រោមវត្តមានដ៏ខ្ពង់ខ្ពស់របស់ឯកឧត្តម
ខៀវ កាញ្ញារិទ្ធិ រដ្ឋមន្ត្រីក្រសួងព័ត៏មាន ព្រមទាំងអ្នកតំណាងអង្គការ
ស្ថាប័នជាច្រើនទៀត។
នៅឆ្នាំ២០១៥ ការតាំងពិព័រណ៏នេះទទួលបានទឹកប្រាក់ឧបត្ថមចំនួន១២០០០ដុល្លារ
និងមានអ្នកចូលរួមចំនួន១២០០០នាក់ ព្រមទាំងមានស្តង់សៀវភៅចំនួន៥០ស្តង់ផងដែរ។
ចំណែកឯពិព័រណ៏លើកទី៥នេះ គ្រោងនឹងចំណាយប្រាក់ចំនួន១៧០០០ដុល្លារ និងមានអ្នកចូលរួមប្រហែលជាង១៥០០០នាក់
ដែលមាន៦៥ស្តង់បានចូលរួម។
“នៅសកលលោក គេអាចព្យាបាលជម្ងឺតាមរយះការអានសៀវភៅដោយកំណត់យកចំនួនសៀវភៅទៅតាមប្រភេទជម្ងឺឲ្យអ្នកមានជម្ងឺអានបាន
ហើយនេះជាពាក្យថ្មី វិធីថ្មីនៅសត្សវត្តទី២១ ប៉ុន្តែផ្ទុយពីកម្ពុជា” នេះបើតាមប្រសាសន៏របស់ឯកឧត្តម
ខៀវ កាញ្ញារិទ្ធិ។
ឯកឧត្តមបានបន្ថែមទៀតថា “ការមើលទូរទស្សន៏វាគ្រាន់តែជាវិធីមួយក្នុងការក្នុងការទទួលព័ត៏មាន
ក៏ប៉ុន្តែការអានសៀវភៅវាធ្វើឲ្យយើងមើលផង គិតផង ហើយគិតទៅវិញទៅមក”។
ប្អូនស្រីម្នាក់មកពីវិទ្យាល័យ ភ្នំពេញថ្មី បានឲ្យដឹងថា “ខ្ញុំចូលចិត្តអានសៀវភៅតាំងពីតូចមក
ហើយខ្ញុំគិតថាការអានសៀវភៅមានសារះសំខាន់ណាស់សម្រាប់សិស្ស និស្សិត។
ហើយខ្ញុំគិតថាកម្មវិធីនេះគឺពិតជាល្អណាស់សម្រាប់ខ្ញុំ
ព្រោះវាមានសៀវភៅច្រើនហើយខ្ញុំមិននឺយដើរទិញសៀវភៅតាមផ្សារ” ។
 |
| ឯកឧត្តម ខៀវ កាញ្ញារិទ្ធិ កំពុងមានប្រសាសន៏ក្នុងការបើកដំណើរការកម្មវិធី |
 |
| ឯកឧត្តម ខៀវ កាញ្ញារិទ្ធិ កំពុងកាត់ខ្សែបូរណ៏ |
 |
| អ្នកចូលរួមកំពុងនិយាយនៅមុខតង់លក់សៀវភៅ |
Comments
Post a Comment