ការតាំងលក់សៀវភៅរបស់រោងពុម្ពដាំដើមជីវិតនៅតាមសាកលវិទ្យាល័យនានា
 |
| សាស្រ្តាចារ្យ នឹងនិសិ្សតកំពុងមើលការតាំងលក់សៀវភៅ |
អត្ថបទដោយ ផៃ ស្រីវីន
បងប្រុសបានប្រាប់ថាការដាក់តាំងលក់សៀវភៅនេះក្នុងសាកលវិទ្យាល័យមួយមានរយៈពេលពីរថ្ងៃទៅបីថ្ងៃដោយមានគ្នាចំនួនពីរនាក់។
គាត់បានបន្តថាពួកគាត់ចាប់ផ្ដើមតាំងលក់សៀវភៅចាប់ពីម៉ោងប្រាំពីរព្រឹកដល់ម៉ោងប្រាំពីរល្ងាច
។ សៀវភៅដែលពួកគាត់លក់មានច្រើនប្រភេទដូចជា សៀវភៅចិត្តវិទ្យា គំនិតជោគជ័យ
ទស្សនៈរបស់អ្នកប្រាជ្ញ អំពីអាស៊ាន រឿងរ៉ាវនៅជុំវិញពិភពលោក ស្នេហា ជាដើម។
បងប្រុសបានបន្តឲ្យដឹងផងដែរថាសៀវភៅដែលលក់ដាច់គឺប្រភេទសៀវភៅគំនិតជោគជ័យ
អាជីវកម្មខ្នាតតូច ស្នេហា អាស៊ាន និងសៀវភៅមួយចំនួនទៀត ។
បងប្រុសបានបន្ថែមទៀតថាតម្លៃសៀវភៅក្នុងមួយក្បាលចាប់ពី ៦០០០រៀល ទៅ ១៩០០០រៀល
ហើយក៏មានការបញ្ចុះតម្លៃផងដែរ ដោយទិញសៀវភៅមួយក្បាលគឺបញ្ចុះតម្លៃ១០០០រៀល
និងថែមជូនប៊ិចមួយដើម
ប៉ុន្តែបើទិញសៀវភៅប្រាំ
ក្បាលនឹងបញ្ចុះតម្លៃរហូតដល់៦០០០រៀល
និងថែមជូនប៊ិចមួយដើមដូចគ្នា។
បងប្រុសបានបន្ដថាសកលវិទ្យាល័យខ្លះគាត់លក់បានច្រើន
តែសាកលវិទ្យាល័យខ្លះទៀតគាត់លក់មិនបានច្រើនទេ
ព្រោះសិស្សសាលាមួយចំនូនមិនសូវចាប់អារម្មណ៍
និងពេលខ្លះពួកគេខ្វះថវិការក្នុងការទិញ ។ ផលវិបាកនៃការលក់សៀវភៅនេះគឺមិនមានទេ
ប៉ុន្តែអ្វីដែលសំខាន់គឺការសុំអនុញ្ញាតដាក់តាំងលក់សៀវភៅពីប្រធានសកលវិទ្យាល័យមួយចំនួនដែលគាត់មិនយល់ព្រម
ដោយសារគាត់យល់ថាវាជាផលប្រយោជន៍ផ្ទាល់ខ្លួនហើយមិនបានផ្ដល់នូវផលប្រយោជន៍អ្វីដល់សាលាគាត់ឡើយ។
គោលបំណងសំខាន់នៃរោងពុម្ពដាំដើមជិវិតក្នុងការតាំងលក់សៀវភៅនេះគឺដើម្បីជម្រុញឲ្យសិស្ស
និស្សិតមានការអានសៀវភៅឲ្យបានច្រើន និងជួយចែករំលែកនូវសៀវភៅល្អៗដល់សិស្ស
ហើយនិងជម្រុញឲ្យអ្នកសរសេរមានកម្លាំងចិត្តក្នុងការសរសេរ
និងបោះពុម្ពសៀវភៅបន្តទៀត ។
Comments
Post a Comment