សិក្ខាសាលាស្តីពីការប្រើប្រាស់បណ្តាញសង្គមដើម្បីសន្តិភាព

អត្ថបទដោយ៖ ជួប ច័ន្ទផូផាណែត 

លោក ពុយ គា ភ្នាក់ងារ​ព័ត៌មាន​ជប៉ុន Kyodo នៅក្នុងសិក្ខាសាលា។

                                              

ភំ្នពេញ៖ នៅថ្ងៃទី​ ០១​ ខែមេសា ឆ្នាំ ២០១៧ មានសិកា្ខសាលាមួយស្កីអំពី៖ «ការប្រើប្រាស់បណា្តញសង្គមដើម្បីសនិ្តភាព»។ សិក្ខាសាលានេះ ចង់​បង្ហាញ​ឲ្យ​សិស្សនិស្សិត​ ចេះ​ប្រើ​ប្រាស់​បណ្ដាញ​សង្គម​ឲ្យ​មាន​ភាព​ត្រឹមត្រូវ ប្រកប​ដោយ​សន្តិភាព។ សិក្ខាសាលានេះ​ ​រៀប​ចំ​ឡើង​ដោយ​មាន​ការ​សហការ​គ្នា​រវាង​មហាវិទ្យាល័យ​ ព័ត៌មាន​ និង​គមនាគមន៍ នៃ​សាកលវិទ្យាល័យកម្ពុជា និង​អង្គការ ACT។

សិក្ខា​សាលា ស្ដី​ពី​៖ «ការប្រើប្រាស់បណ្តាញសង្គមដើម្បីសន្តិភាព» មាន​គោល​បំណង​​​ឲ្យ​​សិស្សនិស្សិត​ស្គាល់​ពី​សន្តិភាព​ក្នុង​បណ្ដាញ​សង្គម បញ្ហា​ប្រឈម​នៃ​ទំនាក់​ទំនង​បណ្ដាញ​សង្គម​បច្ចុប្បន្ន។ ជា​ពិសេស ទាក់​ទងនឹង ឯក​ជន​ភាព​ សុវត្ថិភាព និង​អំពើ​ឧក្រិដ្ឋតាម​អ៊ីន​ធើណិត។ សិក្ខាសាលានេះ បានរៀប​ចំឡើងនៅសាលកវិទ្យាល័យកម្ពុជា​​ នៅម៉ោង​ ២រសៀល​ ថ្ងៃទី០១​ ខែមេសា​ ឆ្នាំ២០១៧​។

ក្នុងសិក្ខាសាលានេះ វត្តមានវាគ្មិនចំនួនបួនរូប សុទ្ធ​សឹទ​ជា​បុគ្គល​មាន​បទពិសោធន៍​នៃ​ការ​ប្រើ​ប្រាស់​បណ្ដាញ​សង្គម​ ប្រកប​ដោយ​សន្តិភាព។ ជា​មួយគ្នា​នេះ វាគ្មិន​ទី១ គឺ​លោក ពុយ គា ជា​អ្នក​កាសែត​ជើង​ចាស់ និងជាទីភ្នាក់ងារ​ព័ត៌មាន​ជប៉ុន Kyodo ផង។ ដោយ​ឡែក មាន​វាគ្មិន​ផ្សេង​ៗទៀត រួម​មាន ​លោក​ស្រី ស្រី​ សុធាវី លោក សុខមាស និង​លោក ពិសិដ្ឋ។

លោក សូន ពិសិដ្ឋ ដែល​មានជំនាញ​លើ​ឌីជីថល បាន​ពន្យល់​ពី​ការ​ប្រើ​ប្រាស់​បណ្ដាញ​សង្គម ដែលមានផលវិជ្ជមាននិងផលអវិជ្ជមានផងដែរ។ ជាពិសេស លោក​បាន​លើក​ឡើង​ពីចំនុច​មួយ​ចំនួន នៃ​ហ្វេសប៊ុក ដែល​ដូច​ជា​វិល​ត្រឡប់​ទៅ​វិញ​ទៅ​មក របស់​អ្នក​ប្រើ​ប្រាស់ និង​បុគ្គ​ល​ផ្សេង​ទៀត​។ លោក ពិសិដ្ឋ បាន​បន្ថែម​ថា ​នៅ​ពេល​ដែល​​​ប្រើ​ប្រាស់​បណ្ដាញ​សង្គម​ ដើម្បី​បង្ហោះ​ពី​រឿង​ផ្ទាល់ អាច​ធ្វើ​ឲ្យ​អ្នក​ដទៃ​ដឹង​រឿង ឬ​បញ្ហា​របស់​យើង ​តាម​រយៈ​បណ្ដាញ​សង្គម​នេះ។ ម៉្យាង​ទៀត លោក ពិសិដ្ឋ  ក៏​បាន​បញ្ជាក់​ពី​ការ ចុច Like, Comment និង Shareផង​ដែរ។

សម្រាប់​លោក ពុយ គា ​ដែល​ជា​បុគ្គល​មាន​បទពិសោធន៍ជាង​ ២៣​ ឆ្នាំ​លើ​ការងារ​ជា​អ្នក​កាសែត  ​​​ហើយ​ ធើ្វការនៅទីភ្នាក់ងាររបស់​​ Kyodo News បាន​លើក​ឡើង​ពី​តួលេខ​របស់​អ្នក​ប្រើ​ប្រាស់​បណ្ដាញ​សង្គម​នៅ​ប្រទេស​កម្ពុជា​ផង​ដែរ។ ​​ក្នុង​សិក្ខា​សាលា​នេះ លោក ពុយ​ គា បាន​ពន្យល់​ដល់​និស្សិត​មួយ​ចំនួន ឲ្យ​គោរព​នូវ​ក្រម​សីលធម៌​វិជ្ជា​ ដោយ​ប្រមូល​ប្រភព​ព័ត៌មាន​ប្រកប​ដោយ​សន្តិភាព ជា​ពិសេស​​គោរព​នូវ​សិទ្ធ​បុគ្គល​មុន​នឹង​បង្ហោះ​សារ ឬ​រូបភាព ​លើ​បណ្ដាញ​សង្គម​ផ្ទាល់​ ដែល​ប៉ះ​ពាល់​ដល់​អ្នក​ដទៃ។ លោក ពុយ គា ក៏​បានចែករំលែក​ស្តីអំពីអ្នកសារព៏តមានអោយមានវិជ្ជាជីវៈ និងមានភាពជាអ្នកកាសែតល្អ។

បន្ថែម​លើ​នេះ​ លោកស្រី ស្រី សុធាវី បាន​លើកឡើង​ពី​ការ​ប្រើប្រាស់​បណ្ដាញ​សង្គម​ប្រកប​ដោយ​សន្តិភាព​។ លោកស្រី ក៏​បាន​បញ្ជាក់​ពី​ការ​ប្រើ​ប្រាស់​របស់​សិស្ស​និស្សិត​ ដែល​មាន​សន្តិភាព​ និង​មាន​ហិង្សា​ផងដែរ។ ដោយ​អ្នក​ចូលរួម​សិក្ខា​សាលាមួយ​ចំនួន មិន​ទាន់​បាន​ស្គាល់អ្វី​ជា​សន្តិភាព​នៃ​ការ​ប្រើ​ប្រាស់​បណ្ដាញ​សង្គម លោកស្រី សុធាវី បាន​បន្ថែម​ពី​ភាព​ឯកជន​ភាព និងសុវត្ថិភាព​នៃការ​ប្រើ​ប្រាស់​ផង​ដែរ​។ ទាក់​ទង​នឹង​នេះ លោកស្រី ស្រី សុធាវី បង្ហាញ​ឲ្យ​មាន​ការ​បែង​ចែក​រវាង​សន្តិភាព និង​អំពើ​ហិង្សា​នៃ​ការ​ប្រើ​ប្រាស់​បណ្ដាញ​សង្គម​ ដើម្បី​សន្ដិភាព។

គួរ​បញ្ជាក់​ថា សិក្ខា​សាលា​នេះ បាន​ផ្ដល់​ចំណេះ​ដឹង​ដល់​សិស្សនិស្សិត​ដែល​បាន​ចូលរួម​ឲ្យ​បាន​យល់​ដឹង​ពី​ការ​ប្រើ​ប្រាស់​បណ្ដាញ​សង្គម​ឲ្យ​បាន​ច្បាស់​លាស់ ត្រឹម​ត្រូវ ដើម្បី​សន្តិភាព។ សិក្ខា​សាលានេះ បាន​បង្ហាញ​ដល់​អ្នក​ចូល​រួម​ឲ្យ​ងាក​មក​ប្រើ​ប្រាស់​បណ្ដាញ​សង្គម​ឲ្យ​មាន​ភាព​ច្បាស់ការ មុន​នឹង​បង្ហោះសារ ឬ​រូបភាព និង​ការ​ចែក​រំលែក​ជាដើម៕