ស្ត្រីមានជំងឺបាក់ទឺកចិត្ត ៥.១ ភាគរយនៅក្នុងសាកលលោក
អត្ថបទដោយ សឿន លក្ខិណា
នៅថ្ងៃទី៥ខែមេសា
កន្លងទៅថ្មីៗនេះ ក្រសួងសុខាភិបាលបានធ្វើវេទិកាមួយក្រោម ប្រធានបទជំងឺធ្លាក់ទឹកចិត្ត ដើម្បីជួយផ្តល់ជា អនុសាសន៍
និងរកវិធីសាស្រ្តក៏ដូចជាលើកកំពស់ដល់ប្រជាពលរដ្ឋដែលមានជំងឺផ្លូវចិត្តនេះ
ទៅទទួលការព្យាបាល។
ក្រសួងសុខាភិបាលបានធ្វើសន្និសីទកាសែតឡើងដោយមានការចូលរួមពី វេជ្ជបណ្ឌិតឯកទេសវិកលវិទ្យានិងបន្ត្រីសុខា ភិបាល តំណាងអង្កការសុខភាពពិភពលោក, អង្គការក្រៅរដ្ឋាភិបាល, ព្រះសង្ឃ និង អ្នកសារព័ត៌មានចំនួន៤០នាក់។
យោងទៅតាមរបាយការណ៍របស់អង្គការសុខភាពពិភពលោកឆ្នាំ២០១៥បានអោយដឹងថាជំងឺធ្លាក់ទឹកចិត្តមានផលប៉ះពាល់ច្រើនទៅដល់ដំណើរជីវិតរស់នៅប្រចាំថ្ងៃរបស់ប្រជាពលរដ្ឋប្រមាណជា៣០០លាននាក់នៅទូទាំងពិភពលោក
ក្នុងនោះអត្រាកើតមានទៅលើស្ត្រី មានរហូតដល់៥,១ភាគរយ និងបុរស ៣, ៦ភាគរយ។
មូលហេតុដែលបណ្ដាលអោយកើតមានជំងឺធ្លាក់ទឹកចិត្តចំពោះស្ត្រីច្រើននោះ គឺដោយសារការបំលាស់ប្ដូរសរីរាង្គអ័រម៉ូន របស់ស្ត្រី,កត្តាផ្លូចចិត្ត
និងការឆ្លងកាត់ការមានគភ៌របស់ស្រ្តី នេះបើយោងតាមលោក ឈិត សុផល ប្រធាននាយកដ្ឋានសុខភាពផ្លូវចិត្តនិងប្រឆាំងគ្រឿងញៀននៃក្រសួងសុខាភិបាល
ចំណែកឯលោកស្រី សុខ ផាណែត អ្នកដំណាង មកពីអង្គការ TPO បាន បន្ថែមអោយដឹងថា យើងអាចបំបាត់ជំងឺនេះបានដោយវិធីសាស្ត្រមួយចំនួន ឫទៅពិភាក្សាជាមួយមន្រ្តីជំនាញ។
គួបញ្ជាក់ផងដែរថាជំងឺធ្លាក់ទឹកចិត្តនេះភាគច្រើនគឺកើតឡើងនៅក្នុងតំបន់អាស៊ីអាគ្នេយ៍និងតំបន់ប៉ាស៊ីភិចហើយមានអ្នកជំងឺធ្លាក់ទឹកចិត្តនៅលើពិភពលោក ជាង៣០០លាននាក់។ ចំណែកនៅ ប្រទេសកម្ពុជាវិញ មានអ្នកកើតជំងឺធ្លាក់ទឹកចិត្តប្រមាណ
ជា ៤ ភាគរយ នៃចំនួនប្រជាជនសរុបក្នុងប្រទេស៕
Comments
Post a Comment