តម្លៃទីផ្សារក្រពើធ្លាក់ចុះច្រើនឆ្នាំជាប់ៗ គ្នា

កាលពីពេលកន្លងទៅថ្មីៗនេះ ក្រុមនិស្សិតនៃសាកលវិទ្យាកម្ពុជា បានចុះកម្មសិក្សាអំពីព័ត៌មានបរិស្ថាន នៅក្នុងខេត្តកំពង់ចាម ដើម្បីស្វែងយល់ពីវិស័យជីវិតប្រជាពលរដ្ឋនៅទីនោះ ទាក់ទងទៅនឹងជីវិតនៃការរស់នៅ និងរបរដែលអ្នកស្រុកនិយមក្នុងការប្រកប។ 

ទន្ទឹមនឹងគ្នានេះ នាងខ្ញុំ អ៊ុក សោវិច្ឆិកា និងមិត្តរួមក្រុម បានចុះធ្វើបទសម្ភាសន៍ផ្ទាល់ ជាមួយនឹងពលរដ្ឋម្នាក់មានឈ្មោះថា Bak Khean (បាក់ ខែង) ដែលជាគាត់ជាម្ចាស់កសិកដ្ឋានចិញ្ចឹមក្រពើមួយកន្លែងនៅខេត្ត កំពង់ឆ្នាំង។

ដោយលោកពូ បានសម្តែងជាខកចិត្តចំពោះអាជីវកម្មដែលប្រកបជាង ១០ឆ្នាំមកនេះយ៉ាងខ្លាំង ព្រោះតែតម្លៃកូនក្រពើដាំក្បាលចុះជាច្រើនឆ្នាំជាប់គ្នា រហូតមកទល់នឹងពេលនេះ រហូតលោកនិយាយថា «ចិញ្ចឹមសត្វនេះ មិនស្មើនឹងគេចិញ្ចឹមឆ្កែលក់ផង»!។

គួរឲ្យដឹងផងដែរថា Bak Khean ប៉ុន្មានឆ្នាំចុងក្រោយមកនេះ មានម្ចាស់កសិកដ្ឋានចិញ្ចឹមក្រពើជាច្រើន បានត្អូញត្អែរទាក់ទងនឹងរឿងទីផ្សារកូនក្រពើលក់បន្ដធ្លាក់ថ្លៃខ្លាំង ដោយនៅឆ្នាំនេះ តម្លៃកូនក្រពើបានធ្លាក់ចុះមកនៅទាបខ្លាំង ត្រឹម២ដុល្លារប៉ុណ្ណោះក្នុងក្បាល។ ម្ចាស់កសិកដ្ឋានលោក បាក់ ខែង ដែលជាម្ចាស់កសិកដ្ឋាននៅខេត្តកំពងចាម បានឲ្យដឹងថា បើធៀបទៅនឹងតម្លៃកាលពីមុន 1គីឡូ 10.5$ ប៉ុន្តែឥឡូវនេះធ្លាក់មកសល់ត្រឹម 2$ ហើយ 2$នេះទៀតសោតរកអ្នកទិញបាន។ ស្ទើរតែធ្វើឲ្យទប់មិនជាប់នៅក្នុងការចិញ្ចឹមសត្វក្រពើនេះបន្តទៀត ដោយសារតែតម្លៃវាចុះទាបខ្លាំងពេក យ៉ាងកំសុចណាស់ បានត្រឹម 4$ ក៏វាប្រសើរដែរ។

លោកបានបន្តទៀតថា តម្លៃក្រពើមានការដាំក្បាលចុះយ៉ាង ប៉ុន្តែចំណីយវិញនៅតែថ្លៃដដែល នេះជាហេតុដែលធ្វើឲ្យស្ទើរតែអស់លទ្ធភាពក្នុងការចិញ្ចឹមក្រពើទៅហើយ។ ហើយជម្រើសបន្ទាប់នោះ លោកនឹងយកក្រពើនោះទៅដាក់នៅសួនសត្វ តែត្រូវក៏ត្រូវចំណាយទៅលើចំណីក្រពើនោះផងដែរ៕

ដោយ៖ អ៊ុក សោវិច្ឆិកា