ផ្លាស់ប្ដូរបទពិសោធន៏ ​និងពហុសិល្បះវប្បធម៌ជនជាតិដើមភាគតិច

អត្តបទដោយ៖ ឡេង ភារៈ

ភ្នំពេញ៖ ផ្លាស់​ប្ដូរ​បទ​ពិ​សោធន៏​ ​និង​ពហុ​សិល្បះ​វប្ប​ធម៌​ជន​ជាតិ​ដើម​ភាគ​តិច​ នឹងចាប់ផ្ដើមពីថៃ្ងទី៣១​ ​ ខែធ្នូ ដល់ថៃ្ងទី០២​ ខែមករា ឆ្នាំ ២០១៧។​ ក្រុមយុវជនជនជាតិភាគតិច និង​ជាសមាជិក​នៃសមាគមន៍យុវជនជនជាតិ​ដើមភាគ​តិចកម្ពុជា​(ស.យ.ជ.ក) នៅរាជធានីភ្នំពេញបានផ្ដួចផ្ដើមរៀប​ចំដំណើរកម្សាន្តសមាគមន៍ “ផ្លាស់ប្ដូរបទពិសោធន៏និង ពហុសិល្បះវប្បធម៌ជនជាតិដើមភាគតិច”  រវាងយុវជនសិស្សនិស្សិត​​នៅរាជធានីភ្នំពេញជាមួយក្រុមយុវជន និងបងប្អូនសមាគមន៍យុវជនជនជាតិដើមភាគតិច​នៅតំបន់ជនបទនៃខេត្តកំពង់ស្ពឺ។​

    

ការបង្កើតកម្មវិធីនេះមានគោលបំណងសំខាន់គឺចង់ផ្ដល់​​ឪកាសដល់ក្រុមយុវជន

 សិស្ស​និស្សិត និងសមាគមន៍ចំរុះជនជាតិបានស្វែងយល់ និងចែករំលែកបទពិសោធន៍ល្អៗ​អំពីការអប់រំ​​ ការរស់នៅ ការងារសង្គម បញ្ហាប្រឈម និងសិល្បះវប្បធម៌ ប្រពៃណីអត្ត

សញ្ញាណរ​វាង​ជនជាតិដើមភាគតិច និង​ចំរុះជនជាតិផ្សេងៗគ្នា ព្រមទាំងកសាងទំនាក់ទំនង សាមគ្គីភាព ​  និងការផ្សព្វផ្សាយអំពីជនជាតិដើមភាគតិចអោយកាន់តែល្អប្រសើរថែមទៀត។

    

ចំនែកទីកន្លែងគឺ​ ស្ថិតនៅភូមិកោដូនតី ឃុំឆ្អិន ស្រុកឪរ៉ាល់ ខេត្តកំពង់ស្ពឺ ដែលជា​កន្លែងកម្សាន្តដ៏ស្រស់ស្អាតមួយនៅកម្ពុជា រួមមានដូចជា រមណីដ្ធានគីរីរម្យ និងតំបន់ប្លែកៗ​នៃជនជាតិដើមភាគតិច (ភ្នំចាស់ តេទឹកពុះ)  ព្រមទាំង​មានកន្លែង​ផ្សេងៗ​ទៀត។