ការគ្រប់គ្រងស្ថាប័នការសែត
សាវតានិងមូលហេតុ
បន្ទាប់ពីសង្គ្រាមសីុវិលនៅក្នុងប្រទេសកម្ពុជាត្រូវបានបញ្ចប់ដោយកិច្ចព្រមព្រៀងក្រុងប៉ារីសកាលពីថ្ងៃទី២៣ខែតុលាឆ្នាំ១៩៩១
សារព័ត៌មានសេរីត្រូវបាននាំចូលមកក្នុងប្រទេសកម្ពុជាទន្ទឹមគ្នានឹងការស្ដារឡើងវិញនូវលទ្ធិប្រជាធិបតេយ្យសេរីពហុបក្សតាមរយះការបោះឆ្នោតដែលរៀបចំដោយអង្គការសហប្រជាជាតិ។
អស់រយះពេលជាង២០ឆ្នាំកន្លងមកកម្រិតរបស់អ្នកសារព័ត៌មាននៅក្នុងប្រទេសកម្ពុជាបានកើនឡើងគួរអោយកត់សម្គាល់ដោយសារតែមានវគ្គបណ្ដុះបណ្ដាលជំនាញវិជ្ជាជីវះនានាដែលរៀបចំដោយស្ថាប័នអប់រំបណ្ដុះបណ្ដាលវិជ្ជាជីវះសារព័ត៌មាននានាដូចជាវិទ្យាស្ថានកម្ពុជាសម្រាប់ការសិក្សាផ្នែកសារព័ត៌មានជាដើម។
ទោះបីជាយ៉ាងណាក្ដីវគ្គបណ្ដុះបណ្ដាលភាគច្រើនធ្វើឡើងតែនៅរាជធានីភ្នំពេញនិងក្នុងខេត្តក្រុង តេជោបានសំណូមពរអោយអ្នកសារព័ត៌មានចូលរួមជាមួយរដ្ឋាភិបាលទប់ស្កាត់និងកំចាត់ចោលនូវព័ត៌មានក្លែងក្លាយដែលកំពុងលុកលុយក្នុងប្រពន្ធ័ព័ត៌មានឌីជីថលផងដែរ។
សារព័ត៌មានសរសេរគឺជាប្រពន្ធ័ផ្សព្វផ្សាយព័ត៌មានដ៏ចំណាស់ជាងគេបំផុតនិងក៏ជាប្រពន្ធ័ផ្សព្វផ្សាយឯកសារយោងផងដែរ។ កាសែតចាប់យកចំណុចសំខាន់នៃព័ត៌មានកើតឡើងពីម្សិលមិញនិងបែងចែកព័ត៌មាននោះតាមលំដាប់លំដោយជារៀងរាល់ថ្ងៃនៅក្នុងគេហទំព័រព័ត៌មាន។កាសែតក៏អនុញ្ញាតិអោយយើងវិភាគលម្អិតស៊ីជម្រៅនិងបង្កើតជាទស្សនះវិស័យស្ដីពីព័ត៌មានសម្រាប់អ្នកអាន។
គម្រោងបង្កើតកាសែត
១.របៀបវារះប្រចាំថ្ងៃ
v ការរៀបចំការងារ: ថាតើគួរតែយកព័ត៌មានអ្វីមកផ្សាយហើយតើព័ត៌មានដែលយកមកផ្សាយនោះទាក់ទងនឹងសន្តិសុខសង្គម,នយោបាយ,សេដ្ឋកិច្ច,បទយកការណ៏,ឫទាក់ទងនឹងអ្វីយកមកអោយប្រាកដ។
v ផែនទីបោះពុម្ភផ្សាយ:គួរតែយកកាសែតទៅលក់ឫចែកចាយនៅទីណាទើបមានការចាប់អារម្មណ៏ច្រើនពីសំណាក់មហាជន។ ឧទាហរណ៏:តូបលក់កាសែត,តូបលក់កាហ្វេ,ឫតាមផ្ទះតាមផ្សារ។
v ព្រឹត្តិការណ៏សង្គម:ត្រូវមានទំនាក់ទំនងជាមួយសមត្ថកិច្ច អាជ្ញាធរឫមន្រ្តីដែលពាក់ព័ន្ធនឹងព្រឹត្តិការណ៏សង្គមដើម្បីពេលដែលមានហេតុការណ៏ឫព្រឹត្តការណ៏អ្វីមួយកើតឡើងគឺមានពួកគាត់រាយការណ៏មកប្រាប់។ ឧទាហរណ៏:ករណីគ្រោះថ្នាក់ចរាចរណ៏, អំពើហិង្សា, ឃាតកម្មជាដើម។
v បទយកការណ៏: ត្រូវរកបុគ្គលិកដែលមានសមត្ថភាពគ្រប់គ្រាន់ក្នុងការសរសេរនិងធ្វើបទយកការណ៏បានយ៉ាងល្អហើយមុននឹងធ្វើបទយកការណ៏ត្រូវតែគិតអោយបានច្បាស់លាស់ជាមុនថាគួរសរសេររឿងអ្វី។ ឧទាហរណ៏: បទយកការណ៏អំពីកសិកម្ម បទយកការណ៏អំពីរមណីយដ្ឋាន។ល។
v បទស៊ើបអង្កេត: ការធ្វើបទស៊ើបអង្កេតមិនមែនជារឿងងាយស្រួលឡើយ បទស៊ើបអង្កេតអ្នកកាសែតត្រូវចំណាយទាំងពេលវេលា,ថវិការ,មធ្យោបាយធ្វើដំណើរនិងការប្រថុយនូវអាយុជីវិតថែមទៀតផង។ប៉ុន្តែភាគច្រើននៃបទស៊ើបអង្កេតគឺត្រូវបានទទួលការចាប់អារម្មណ៏ច្រើនពីសំណាក់អ្នកអានពីព្រោះថាបទស៊ើបអង្កេតជាព័ត៌មានបែបស៊ីជម្រៅនិងប្រមូលផ្ដុំទៅដោយរឿងរ៉ាវច្រើនដែលគិតត្រឹមពេលដ៏ខ្លីមិនបានឡើយ។
ឧទាហរណ៏:បទស៊ើបអង្កេតទាក់ទងទៅនឹងនយោបាយ,បទស៊ើបអង្កេតទាក់ទងនឹងព្រៃឈើ,ឃាតកម្មឫការរឹបអូសដីធ្លីជាដើម។ល។
v បច្ចេកទេសបទសម្ភាសន៏: ក្នុងមួយសប្ដាហ៏តើគួរតែអញ្ជើញវាគ្មិនរូបណាអោយចូលរួមមកធ្វើបទសម្ភាសន៏ហើយបើអញ្ជើញគាត់មកតើបានត្រៀមសំនួរអ្វីខ្លះនិងទាក់ទងទៅនឹងអ្វីទៅដើម្បីជាប្រយោជន៏ដល់សង្គមហើយមិនប៉ះពាល់ទៅដល់សង្គមជាតិឫកិត្តិយសរបស់អ្នកដ៏ទៃហើយតើទាក់ទាញអ្នកអានដល់កម្រិតណាបុគ្គលនោះអាចទុកចិត្តបានឫមួយក៏អត់។
v អ្នកយកពត័មានទូទៅនិងអ្នកជំនាញការ:
Ø អ្នកយកពត័មានទូទៅ:
§ គ្រោះថ្នាក់ចរាចរណ៏
§ អំពើហិង្សា,គ្រឿងញៀន,ជាដើម។ល។
§ ពត័មានអំពីតារាជាតិនិងអន្តរជាតិ។
v អ្នកជំនាញការ
Ø បទយកការណ៏
Ø បទស៊ើបអង្កេត។
§ ការសរសេរអត្ថបទព័ត៌មាន: ជាទូទៅមិនថានៅក្នុងស្ថាប័នកាសែតណាមួយឡើយរាល់ការចេញព័ត៌មានគឺត្រូវឆ្លងកាត់និពន្ធនាយកជាមុនសិនពីព្រោះថាការចេញព័ត៌មានមិនអាចចេះតែចេញផ្ដេសផ្ដាសទេខ្លាចមន្រ្តីដែលពាក់ព័ន្ធឫក្រសួងស្ថាបន័ផ្សេងៗចាត់វិធានការ។
§ តម្លៃបន្ថែម: ត្រូវចំណាយទៅលើអ្វីបន្ថែមទៀតសាំង, សោហ៊ុយ,
ពេលវេលា, ឫកម្លាំងមនុស្សដែលខំធ្វើព័ត៌មាន។
§ ការអានឡើងវិញ: ត្រង់ចំណុចនេះគឺវាទាក់ទងទៅនឹងនិពន្ធនាយកជាអ្នកទទួលខុសត្រូវ។
២.ការប្រជុំព័ត៌មានប្រចាំថ្ងៃច័ន្ទ
·
ចំណងជើង: ចំណងជើងណាដែលទាក់ទងនឹងអត្ថបទព័ត៌មានមិនមែនទាក់ទាញតែចំណងជើងហើយដល់ពេលចូលអានគឺគ្មានអ្វីសោះដល់ពេលលើកក្រោយគឺគេនឹងលែងអានទៀតហើយ។
·
ការរៀបចំទំព័រ: វាជាចំណុចដែលសំខាន់បំផុតនៅក្នុងការបោះពុម្ភកាសែតត្រូវដាក់អោយបានច្បាស់លាស់បើអានបន្តត្រូវបន្តទៅណាដើម្បីអោយអ្នកអានងាយស្រួលតទៅទំព័របន្ទាប់ងាយស្រួលក្នុងការអាន។
·
ការដាក់រូបនិងក្រាហ្វិក: ការរចនារូបភាពគឺជារឿងសំខាន់មួយផងដែរសម្រាប់ស្ថាប័នកាសែតពីព្រោះអ្នកអានកាសែតក៏ត្រូវការមើលរូបភាពដែលមាននៅក្នុងការសែតផងដែរ។កាលពីសម័យមុនមានតែកាសែតសខ្មៅប៉ុណ្ណោះ
ប៉ុន្តែមកដល់ពេលបច្ចុប្បន្ននេះមានទាំងកាសែតដែលមានកូល័រថែមទៀតផង។
·
សេវាកម្មអតិថិជន: នៅពេលដែលដាក់លក់អោយអតិថិជន តើក្នុងតម្លៃប៉ុន្មាន?ហើយគួរតែតម្រូវចិត្តវ័យណាខ្លះ។
ឧទាហរណ៏:ក្មេងៗវ័យជំទង់ចូលចិត្តមើលអ្វីខ្លះដែលមាននៅក្នុងកាសែត,ចាស់ៗវ័យកណ្ដាល,ចាស់ជរា។
·
ទំនួលខុសត្រូវផ្នែកសង្គមរបស់អ្នកសារព័ត៌មាន: អ្នកសារព័ត៌មានដ៏មានវិជ្ជាជីវះត្រូវតែគោរពតាមក្រមសីលធម៏នៃសង្គមដូចជា
ផ្ដិតយករូបភាពនិងសរសេរតែព័ត៌មានដែលពិត, មិនទទួលសំណូកពីអ្នកដ៏ទៃ,មិនផ្សាយលើសពីតួនាទីរបស់ខ្លួន, មិនផ្សាយលើសពីតួនាទីខ្លួនឯងដូចជាដើរតួជាចៅក្រមជាដើមម្យ៉ាងទៀតប្រសិនបើមានការថ្លោះធ្លោយទាក់ទងទៅនឹងអត្ថបទព័ត៌មានត្រង់ចំណុចណាត្រូវហ៊ានចេញមុខសុំទោសជាសាធារណះ។
៣.ភាសាបច្ចេកទេសនៃសារព័ត៌មានបោះពុម្ភ
¨ ទម្រង់សារព័ត៌មាន
¨ ហេតុការណ៏ពិត
¨ ការអត្ថាធិប្បាយ
¨ លំដាប់ថ្នាក់ព័ត៌មាន
¨ ពីការពិត........ទៅមុំជាច្រើន។
Ø សេចក្ដីសន្និដ្ឋាន
គម្រោងនៃការបង្កើតកាសែតនេះនឹងទទួលបានជោគជ័យ។
នៅថ្ងៃអនាគតនឹងក្លាយជាកាសែតមួយដ៏មានសក្ដានុពលខ្លាំងក្លាជាងគេនៅក្នុងប្រទេសកម្ពុជានិងជាពិសេសទទួលបាននូវការចាប់អារម្មណ៏ច្រើនពីសំណាក់អ្នកអានទាំងចាស់ទាំងក្មេងពីព្រោះយើងធ្វើតម្រូវចិត្តទាំងយុវវ័យ
ចាស់ជរា និងក្មេងៗផងដែរ៕
Comments
Post a Comment