ឱកាសល្អសម្រាប់សិស្សានុសិស្ស សាកលវិទ្យាល័យកម្ពុជា ផ្ដល់អាហារូបករណ៍១០០% ជាង ១៤០០កន្លែង
ដោយ៖
ញឹក ស្រីល័ក្ខ
ភ្នំពេញ៖
សាកលវិទ្យាល័យកម្ពុជា នឹងផ្ដល់អាហារូបករណ៍ឥតបង់ថ្លៃជាង ១៤០០កន្លែង
សម្រាប់ឆ្នាំសិក្សាថ្មី ២០១៧-២០១៨
ដល់សិស្សានុសិស្សគ្រប់រូប។ អាហារូបករណ៍ខាងលើ មាន៣ប្រភេទ
គឹអាហារូបករណ៍សម្រាប់សិស្សនិទ្ទេស A អាហារូបករណ៍ថ្នាក់បរិញ្ញាបត្រ
និងអាហារូបករណ៍ថ្នាក់បរិញ្ញាបត្ររងផងដែរ។ ក្រៅពីអាហារូបករណ៍ខាងលើ
សាកលវិទ្យាល័យកម្ពុជា ក៏មានអាហារូបករណ៍លើកទឹកចិត្តសម្រាប់សិស្ស
និស្សិតជាច្រើនកន្លែងទៀតផង។
នេះបើតាមសេចក្ដីជូនដំណឹងរបស់សាកលវិទ្យាល័យកម្ពុជា។
សាកលវិទ្យាល័យកម្ពុជា
បានបង្កើនចំនួនអាហារូបករណ៍ពេញថ្លៃសិក្សា ជាង ១៤០០កន្លែង សម្រាប់សិស្ស-និស្សិត ដែលមានបំណងបន្តការសិក្សានៅសាកលវិទ្យាល័យ។
អាហារូបករណ៍នីមួយៗ
រួមបញ្ជូលទាំងថ្លៃសិក្សាសម្រាប់មជ្ឈមណ្ឌលបណ្ដុះបណ្ដាលភាសាអង់គ្លេស
ដែលជាកម្មវិធីបំប៉នបន្ថែម
និងសម្រាប់និស្សិតត្រៀមចូលសិក្សាថ្នាក់បរិញ្ញាបត្រជាភាសាអង់គ្លេសក៏ដូចជាថ្លៃសិក្សាទូទៅ
និងថ្នាក់បរិញ្ញាបត្រដទៃទៀតផងដែរ។
បើតាមសេចក្ដីជូនដំណឹងរបស់សាកលវិទ្យាល័យកម្ពុជា
អាហារូបករណ៍ពេញថ្លៃសិក្សាខាងលើ មាន ៣ប្រភេទ។ អាហារូបករណ៍ទីមួយ
ផ្ដល់ជូនសិស្សឆ្នើមនិទ្ទេស A ក្នុងសម័យប្រឡង២០១៧នេះ។
ចំណែកឯ អាហារូបករណ៍ទីពីរ ផ្ដល់ជូនសិស្សានុសិស្សប្រឡងជាប់សញ្ញាបត្រមធ្យមសិក្សាទុតិយភូមិឆ្នាំ
២០១៧នេះ ចំនួន ៥០០កន្លែង សម្រាប់ថ្នាក់បរិញ្ញាបត្រ។ រីឯអាហារូបករណ៍ទីបី
សាកលវិទ្យាល័យកម្ពុជា នឹងផ្ដល់ជូនសម្រាប់ថ្នាក់បរិញ្ញាបត្ររងចំនួន
៥០០កន្លែងផងដែរ។ ក្រៅពីអាហារូបករណ៍ខាងលើ សាកលវិទ្យាល័យកម្ពុជា
ក៏មានអាហារូបករណ៍លើកទឹកចិត្តសម្រាប់សិស្ស និស្សិតជាច្រើនកន្លែងទៀតផង។
ការផ្ដល់អាហារូបករណ៍នេះ
ជាផ្នែកមួយនៃការប្ដេជ្ញាចិត្តរបស់សាកលវិទ្យាល័យកម្ពុជា
ក្នុងការកសាងធនធានមនុស្សនៅកម្ពុជា
ដែលប្រមុខរាជរដ្ឋាភិបាលកម្ពុជាចាត់ទុកជាគោលនយោបាយអាទិភាពទីមួយសម្រាប់ប្រទេសជាតិ។
សាកលវិទ្យាល័យកម្ពុជា ជាសាកលវិទ្យាល័យឯកជនឈានមុខមួយ
ដែលផ្ដល់ការបណ្ដុះបណ្ដាលថ្នាក់បរិញ្ញាបត្ររង បរិញ្ញាបត្រ
បរិញ្ញាបត្រជាន់ខ្ពស់ និងបណ្ឌិត។
សម្រាប់សិស្សានុសិស្ស
និស្សិត មានចំណាប់អារម្មណ៍លើអាហារូបករណ៍នេះ
អាចទំនាក់ទំនងមកការិយាល័យទទួលចុះឈ្មោះ និងផ្ដល់ព័ត៌មាន
តាមរយៈលេខទូរសព្ទ ០២៣ ៩៨៧ ២៧៦/ ០៦០ ៣៣៣ ៣៤៦/ ០៩៣ ៧៧៧ ៥៧៦។ ម៉្យាងទៀត លោក អ្នក
អាចផ្ញើអ៊ីម៉ែល admissions@.uc.edu.kh
ឬតាមគេហទំព័រហ្វេសប៊ុក www.facebook.com/universityofcambodia
៕
Comments
Post a Comment