តំបន់អភិរក្សសត្វស្លាបរាប់សែនក្បាលក្នុងខេត្តព្រៃវែង កំពុងតែជាទីចំណាប់អារម្មណ៍នៃភ្ញៀវទេសចរណ៍ទៅទស្សនា
តំបន់អភិរក្សសត្វស្លាបមួយកន្លែង ដែលគេហៅថា «តំបន់អភិរក្សសត្វស្លាបទួលព័ន្ធតាឡី» ស្ថិតនៅក្នុងបឹងស្នេហ៍ ឃុំធាយ ស្រុកបាភ្នំ ខេត្តព្រៃវែង ដែលកំពុងតែក្លាយជាទីជម្រកដ៏មានសុវត្ថិភាពនៃសត្វស្លាបជាច្រើនប្រភេទដែលបានមករស់នៅ និងបង្កាត់ពូជក្នុងតំបន់នេះ។ តំបន់នេះ ជាប្រភេទដីល្បាប់ ដែលមានព្រៃដុះនៅកណ្ដាលបឹងមួយហៅថា បឹងស្នេហ៍ ដែលព្រៃនោះបានដុះយ៉ាងក្រាស់នៅដីដែលអាចឲ្យសត្វស្លាបទាំងឡាយអាចរស់នៅ ធ្វើជាទីជម្រករបស់ពួកវា និងអាចបង្កើតកូនបង្កើតចៅនៅទីនោះបានយ៉ាងមានសុវត្ថិភាព។
 |
| សត្វស្លាប់កំពុងនៅលើព្រៃឈើនៅតំបន់នោះ |
បើយោងតាមផេកផ្លូវការ «យុវជនអភិរក្សសត្វស្លាបទួលព័ន្ធតាឡី» ដោយបានឲ្យដឹងថា សត្វស្លាបរាប់ពាន់ក្បាលនេះ កំពុងតែទទួលបានការការពារយ៉ាងល្អពីក្រុមយុវជនអភិរក្សនៅទីនោះ ដែលសហការជាមួយនឹងអង្គការ Woman ព្រមទាំងមន្រ្តីបរិស្ថាន និងអាជ្ញាធរក្នុងខេត្តព្រៃវែងផងដែរ។ ជាមួយគ្នានោះដែរ តំបន់អភិរក្សសត្វស្លាបនេះ ក៏កំពុងតែក្លាយជាកន្លែងដែលមានភ្លៀវទេសចរណ៍ជាច្រើនមកលេង និងទស្សនាហ្វូងសត្វស្លាបទាំងនេះ ដែលហោះហើរចុះឡើងពាសវាលពាសកាល និងទុំលើព្រៃព្រោងព្រាតក្នុងតំបន់នោះ ដែលមើលទៅសម្រស់ធម្មជាតិជាមួយនឹងសត្វស្លាបជាច្រើនប្រភេទនេះ ពិតជាស្រស់ស្អាតទាក់ភ្នែក។ ក្នុងតំបន់អភិរក្សសត្វស្លាបនេះផងដែ ក៏មានប្រជាពលរដ្ឋមួយចំនួនដែលមានទីលំនៅក្បែរនោះ ក៏បានឃើញមានការធ្វើតូបលក់នំ ចំណីអាហារផ្សេងៗដាក់លក់ឲ្យភ្លៀវទេសចរណ៍ដែលមកលេង ទស្សនាសត្វស្លាបនៅទីនោះ។
គួរបញ្ជាក់ថា បច្ចុប្បន្ននេះ សត្វស្លាបរាប់ពាន់រាប់សែនក្បាលទាំងនេះ
មានជាច្រើនប្រភេទដូចជាសត្វចង្ក្រៀលខ្យង សត្វត្រយងខ្លួនរលោង សត្វខ្វែង សត្វស្មោញ សត្វននៀលខ្យង
សត្វទុង សត្វក្អែងទឹក សត្វកុក។ល។
ប្រភព៖ យុវជនអភិរក្សទួលព័ន្ធតាឡី
ដោយ៖ ស្រីហាង
Comments
Post a Comment